ជីវិតកុមារភាពរបស់កំពូលអ្នកមានជាងគេនៅចិន Jack Ma យ៉ាងណាទៅ?
Jack Ma គឺជាស្ថាបនិក និងប្រធានក្រុមហ៊ុន Alibaba។ ម្យ៉ាងវិញទៀតលោកគឺជាកំពូលអ្នកមានម្នាក់នៅក្នុងប្រទេស ចិនដែលមានទ្រព្យសម្បត្តិ ២២,២ ពាន់លានដុល្លារសហរដ្ឋអាមេរិកក្នុងឆ្នាំ២០១៥នេះ។ មុននឹងក្លាយជាម្ចាស់ក្រុមហ៊ុន Alibaba និងជាកំពូលអ្នកមានជាងគេនៅចិន តើជីវិតកាលពីកុមារភាពមុនចូលវិទ្យាល័យរបស់លោកយ៉ាងម៉េចដែរ?
Jack Ma (ឈ្មោះជាចិន Ma Yun) បានកើតនៅថ្ងៃទី១៥ ខែតុលា ឆ្នាំ១៩៦៤ ក្នុងទីក្រុង Hangzhou ភាគអាគ្នេយ៍នៃប្រទេសចិន។ លោកមានបងប្រុសម្នាក់ និងប្អូនស្រីម្នាក់។ Jack Ma និងបងប្អូនរបស់លោកបានធំឡើងក្នុងពេលដែលរបបកុម្មុយនិស្ដចិន បានកាត់ដាច់ពីប្រទេសលោកខាងលិចកាន់តែខ្លាំងឡើង ហើយនៅពេលនោះជីវភាពគ្រួសាររបស់លោកក្រណាស់។
ក្នុងវ័យកុមារ រូបរាងរបស់ Jack Ma គឺស្គមណាស់ ហើយតែងតែវ៉ៃគ្នាជាញឹកញាប់ជាមួយនឹងមិត្តរួមថ្នាក់របស់ ខ្លួន។ “ខ្ញុំមិនដែលខ្លាចគូសត្រូវរបស់ខ្ញុំនោះទេ មិនថាគេធំជាងខ្ញុំក៏ដោយ”។ គាត់បានរំលឹកក្នុងសៀវភៅ “Alibaba,” ដែលសរសេរដោយ Liu Shiying និង Martha Avery។ ចំណង់ចំណូលចិត្តរបស់ Jack Ma ក៏ដូចជាក្មេងៗដទៃទៀតផងដែរ។ មិនត្រឹមតែប៉ុណ្ណោះ លោកចូលចិត្តដើរចាប់ចង្រិតមកដាក់ប្រជល់គ្នា។ ជំនាញសំខាន់របស់លោកគឺអាចដឹងពីទំហំ និងប្រភេទចង្រិតដោយគ្រាន់តែស្ដាប់សំឡេងវាតែប៉ុណ្ណោះ។
បន្ទាប់ពីប្រធានាធិបតីអាមេរិក Richard Nixon បានមកធ្វើទស្សនកិច្ចក្នុង១៩៧២ ស្រុកកំណើតរបស់ Jack Ma ក៏បានក្លាយទៅជាតំបន់ទេសចរណ៍។ ក្នុងវ័យ១២ឆ្នាំ រៀងរាល់ម៉ោង៥ព្រឹក ក្មេងជំទង់ Jack Ma តែងតែដើរ ឬ ជិះកង់ទៅសណ្ឋាគារសំខាន់ៗក្នុងទីក្រុង ដែលមានភ្ញៀវទេសចរណ៍បរទេសស្នាក់នៅ ហើយគាត់ធ្វើជាអ្នកនាំភ្ញៀវទេសចរណ៍ដើរកម្សាន្តក្នុងទីក្រុង ដោយពុំគិតថ្លៃដើម្បីបានអនុវត្តន៍ភាសាអង់គ្លេសរបស់គាត់ ក៏ដូចជាប្ដូរជាការបង្រៀនជាភាសាអង់គ្លេសដល់គាត់។ ក្នុងពេលនោះឈ្មោះហៅក្រៅរបស់គាត់គឺ “Jack” ដែលបានដាក់ឲ្យដោយមិត្តភ័ក្ដភ្ញៀវទេសចរណ៍ម្នាក់របស់គាត់ ៕
8963 comments
] – автохимия оптом, химическая промышленность россии заводы
Read Full Article https://jebahisgiris3.com/
go now https://casinosbewertung.de/
go to this site https://slots-of-vegas-online.com/
official source https://herrwett.de/